«Шығыс» өңірлік қолбасшылығында әскери техника мен қару-жарақты қысқы мерзімге дайындау жөніндегі жұмыстар аяқталды.
ҚР ҚК Құрлық әскерлерінің Бас қолбасшысының және «Шығыс» өңірлік қолбасшылығы әскерлері қолбасшысының бұйрықтарына, әскери техника мен қару-жарақты қысқы мерзімге сақтауға көшірудің жоспарына сәйкес, қолбасшылыққа қарасты әскери бөлімдер мен құрамаларда әскери техника мен қару-жарақты қысқы мерзімге даярлау жөніндегі жұмыстар тәмамдалды. Қысқы мерзімге сақтауға көшірудің жоспары 1-ші қыркүйек пен 25-ші қазан аралығына белгіленген болатын. Дайындықтың сапасын ҚР Қорғаныс министрінің бірінші орынбасары – ҚР ҚК Бас штаб бастығының комиссиясы тексерді. Әскери қару-жарақ пен техниканы қысқы кезеңде пайдаланудың барысы қолбасшылықтың жіті назарында болады.