Бүгін, 2016 жылдың 18 сәуірінде Қазақстанның Қарулы Күштерінде «Жәрдем-2016» арнайы оқу-жаттығуы бастау алды. Оған 100-ден астам әскери қызметші, сондай-ақ 10-нан аса әскери қопарушы маман қатысады. Сондай-ақ оқу-жаттығуға 30 бірліктен аса арнайы техника, яғни, бульдозерлер, тиегіштер және экскаваторлар тартылды.
Аталмыш оқу-жаттығудың Қазақстанның Қарулы Күштеріндегі бағыты ерекше екенін айта кеткен жөн. Оның барысында ниетке сәйкес әскери қызметшілер төтенше жағдайлар кезіндегі апаттың салдарын алдын алады. Бұл оқу-жаттығуды өткізудің өзектілігі Сарышаған полигонының және осы полигонның әкімшілік орталығы, жабық Приозерск қаласының ауданында ұзақ уақыт бойы пайдаланбаған ғимараттар мен құрылыстардың орналасуымен негізделген. Олар қираған, жөндеуге және әрі қарай пайдалануға жатпайды. Аумақтағы қабырғасы қаусаған апатты құрылыстардың саны 60-тан асып жығылады. Ғимараттар бөлшектелуге және кәдеге жаратылуға жатады. Оларды бұзып құлату жерді қалпына келтіруге мүмкіндік береді. Нәтижесінде экологиялық жағдайға, сондай-ақ осы елді мекен тұрғындарының қауіпсіздігіне оң әсер етеді. Сонымен бірге, құрылыстардың бұзылуының арқасында жергілікті инфрақұрылымды дамытуға мүмкіндік туады.
