ҚР ҚК Десанттық шабуылдаушы әскерлеріне қарасты Қапшағайдағы 32363 әскери бөліміне Қазақстан Республикасы Президентінің Қазақстан халқына Жолдауын түсіндіру мақсатында Ауған соғысының ардагерлері ҚР Парламенті Мәжілісінің депутаттары Халық Қаһарманы генерал-лейтенант Бақытжан Ертаев және Бақытбек Смағұл мырзалар келді.
Олар десантшылармен емен-жарқын әңгімелесіп, Президен Жолдауына байланысты түсіндірме жұмыстарын жүргізді. Сондай-ақ, әскери қызметшілердің көкейінде жүрген түйткілді мәселелерімен танысып қайтты. Жеке құрам тарапынан қойылған сұрақтарға тұшымды жауап қатты.