Қазақстанның командасы «Білімдар» және «Мерген» сайысының екі кезеңіне қатысты.
Онда әскери қызметшілеріміз жоғары дайындықтарын паш етіп, жүлделі орындарды еншіледі. Командамыздың құрамына 4 әскери қызметші кіреді. Олардың ішінде 1 әйел әскери қызметші. Бірінші кезеңде байқау қатысушыларына Ұлы Отан соғысының тарихы мен халықаралық гуманитарлық құқықты білу бойынша зияткерлік сынақтан өтуге тура келді. Онда командамыз 2-орынды иеленді. Әртүрлі қалыпта оқ ату бойынша сайыстың екінші кезеңінде қазақстандық әскери қызметшілер сөзсіз жеңіс тұғырынан көрінді. Байқау қатысушыларына тағы да 3 ең күрделі әрі көзтартар сынақтан өтуге тура келеді. Атап айтқанда, «Атлет» дене даярлығы кезеңі, «Кәсіпқой» әскери шеберлік сайысы және «Кавалер/Ханша» шығармашылық кезеңі. «Достастық жауынгері» байқауы 2017 жылғы 5 тамызға дейін жалғасады.