Қазақстан Республикасы Қарулы Күштерінің Ұлттық әскери-патриоттық орталығында ҚР ҚМ Халықаралық ынтымақтастық департаментінің бастығы контр-адмирал Қайыргелді Есенеев Финляндияның Қазақстан Республикасындағы Төтенше және Өкілетті Елшісі Микко Кивикоскимен және Финляндияның Ресей Федерациясындағы Қазақстанда қоса атқарушы әскери атташесі 2-дәрежелі капитан Юкка-Пекка Мустоненмен кездесті.
Кездесу барысында ҚР Қарулы Күштері әскери қызметшілерінің бітімгерлік дайындық мәселелері, сондай-ақ Қазақстанның «ҚАЗЦЕНТ» және Финляндияның «ФИНЦЕНТ» «Бейбітшілік үшін серікктестік» оқу орталықтары арасындағы ынтымақтастықты дамытудың болашағы сөз болды.