ҚР Қарулы Күштеріне - 25 жыл

ҚарМТУ әскери кафедрасының студенттері далалық жиынға қатысты

ҚарМТУ әскери кафедрасының студенттері далалық жиынға қатысты
Қазақстан Республикасы Қорғаныс министрлігі ресми сайтынан алынған фото

Қарағанды мемлекеттік техникалық университетінің үш жүзден аса студенті «Астана» өңірлік қолбасшылығына қарасты 36352 әскери бөлімінің «Спасск» оқу-жаттығу орталығының аумағында өткен далалық жиынға қатысты.

ҚарМТУ-дың әскери далалық жиыны 10 күнге созылды. Жиын барысында болашақ түлектер Макаров тапаншасы мен Калашниковтың АК-74 автоматынан оқ ату, танк жүргізу, Д-30 гаубицалары мен минаатқыштардан атысты басқару бойынша практикалық нормативтер тапсырды. «Аталған жиын студенттердің әскери дайындығының қорытынды кезеңі болып табылады. Олар теориялық сабақтар барысында алған білімдерін іс жүзінде іске асырады.

 Бұл Қарулы Күштері үшін оқытылған жұмылдыру ресурсын даярлау тұрғысынан маңызды. Әскери кафедра жауынгерлік қарудан оқ атумен толық көлемде далалық жиындарды ұйымдастырумен, сондай-ақ броньды техниканы пайдалану және артиллериялық қару-жарақты қолданумен айналысатын Қазақстандағы әскери кафедралардың бірі бола отырып, бұл тапсырманы сәтті орындап жатқанын айта кету қажет», - дейді ҚарМТУ әскери кафедрасының бастығы полковник Евгений Строков.

Жиын қорытындысы бойынша студенттер жақсы теориялық білімдері мен практикалық машықтарын көрсетіп, өздерінің әскери есепке алу мамандықтары бойынша қорытынды аттестаттаудан өтті.

Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

«Қарағай» мен «Ақтерек» станциялары

«Қарағай» мен «Ақтерек» станциялары

Армейские международные игры-2017: итоги в цифрах

Армейские международные игры-2017: итоги в цифрах