«Шығыс» өңірлік қолбасшылығы Үшарал гарнизонының 40398 әскери бөлімінде ҚР Парламенті Мәжілісінің депутаты, халықаралық істер, қорғаныс және қауіпсіздік комитетінің мүшесі, Халық қахарманы, генерал-лейтенант Бақытжан Ертаев әскери қызметшілермен кездесті.
Ол еліміз Президенті – ҚР Қарулы Күштерінің Жоғарғы Бас қолбасшысы Н.Ә.Назарбаевтың биылғы «Қазақстандықтардың әл-ауқатының өсуі: табыс пен тұрмыс сапасын арттыру» Жолдауындағы міндеттерге тоқталды. Әрбір тарауы халықтың әл-ауқатының жақсартудағы өзекті мәселелердің шешіміне бағытталғанын баяндады. «Нұрлы жол» инфрақұрылымды дамытудың 2015-2019 жылдарға арналған мемлекеттік бағдарламасының жүзеге асырылу барысына да мән берді. Әскерилердің тарапынан қойылған сан түрлі сұрақтарға жауап берді.
Бақытжан Ертаев Алматы облысының Алакөл ауданы ішкі істер бөлімінің қызметкерлерімен, ҚР ҰҚК шекара қызметінің 2484 әскери бөлімінің жеке құрамымен, ауған соғысының ардагерлерімен, сондай-ақ, денсаулық сақтау қызметкерлерімен де жүздесті.
