Семей өңірлік гарнизоны әскери полиция жасағында жеке құрамның балаларына арналып жаңа жылдық шырша ұйымдастырылды.
Жаңа жыл мерекесін асыға күткен балалар әдемі киімдерін киіп, қонақтардың алдында өнер көрсетті. Көпшілік қол соққанда бірі өлең жолдарын ұмытып жатса, кейбірінің керісінше батылдығы артты. Ертегілер елінен келген кейіпкерлермен ән салып, би де биледі. Бүлдіршіндер назарына жасақтың қызметтік иттері бөлімшесінің мамандары да әр түрлі көріністер ұсынды. Бір сөзбен айтқанда жасақ қызметкерлерінің балаларына арналған жаңа жылдық қойылым ойдағыдай өтті.
Алуа ИСКАКОВА
