Қостанай облысынан шақырылған жас Отан қорғаушылар «Шығыс» өңірлік қолбасшылығы әскери бөлімдерінің қатарын алғашқы болып толықтырды.
Биылғы жылы өңірлік қолбасшылықтың бөлімшелерін Қазақстанның барлық өңірлерінен 800-ден аса мерзімді қызметтегі әскери қызметші толықтырады. Жаңа жағдайға бейімделу үшін жас толыммен жалпыәскери дайындық курсы өткізіледі. Оның барысында келген әскери қызметшілер жалпыәскери дайындық негіздерін зерделейді, әртүрлі күнделікті қызметте іс-қимылдарды орындау бойынша білім мен машықты игереді. Курс аяқталған соң мерзімді қызметтегі әскери қызметшілер салтанатты түрде Әскери ант қабылдайды.