Ертең еліміз Қазақстан Қарулы Күштерінің құрылған күнін, яғни Отан қорғаушылар мерекесін атап өтеді. Бұл – Тәуелсіз мемлекетіміздің төл әскерінің қалыптасуына баспалдақ болған күн. Сондықтан барша қазақстандықтар үшін айтулы мерекенің мәні де, маңызы да айрықша.
Ал, алдағы дүйсенбіде халқымыз Жеңістің 71 жылдығын мерекелейді. Ардагер аталарымыздың сұрапыл соғыста көрсеткен ерен ерліктері ел жадынан ешқашан өшпек емес. Бүгінгі бейбіт елдің ұрпақтары сол ардагер аталарымызды ұлықтаумен қатар, олардың Отан алдындағы абыройлы қызметін өздеріне өнеге етпек. Бұл тұрғыда әсіресе, Қорғаныс министрлігінің бастамасымен Қарулы Күштеріміздегі әскерилер талай игі шараны қолға алып отыр. Ендеше, баршаңызды осы бір қос ұлық мерекемен құттықтай отырып, елімізге береке-бірлік тілейміз.