ҚР Қарулы Күштеріне - 25 жыл

Бауыржан момышұлының кастродан алған таяғы қайда сақтаулы?

Бауыржан момышұлының кастродан алған таяғы қайда сақтаулы?

Қазақтың батыр ұлы Бауыржан Момышұлының өткен ғасырда Рауль Кастродан сыйлыққа алған таяғы семейлік Құрманғалиевтар отбасының жәдігеріне айналғанын сырттай естіп-білген Семейдің облыстық тарихи-өлкетану музейінің директоры Бекен Нұғманұлы, музей қызметкерлері Г.Төртенова мен П.Уколов Құрманғалиевтар әулетіне арнайы барған еді. Ондағы мақсат – Бауыржан Момышұлының осы отбасына сыйға тартқан таяғын музей экспозициясына қою үшін сұрау болатын.

Оразғайша Құрманғалиева апайдың айтуынша, даңқты қолбасшының таяғы оған әпкесі Бағдат Рахметовадан қалған аманат екен. Әпкесі Мәскеуде гастрольдік сапармен жүргенде Бауыржан Момышұлымен кездейсоқ жолығып қалады. «Ол Баукеңді қонақ үйде көріп, «ассалаумағалейкум» деп сәлем береді. «Мен сізді танимын, сіз - біздің мақтанышымыз, даңқты бабамызсыз, сізбен мақтанамыз» дегенде, Баукең Мәскеуде қазақ қызын көріп, таңғалыпты. Ол менің әпкемнен «Әкең бар ма?» деп сұраған екен. Содан кейін өзінің қолындағы таяғын «әкеңе апарып бер» деп әпкемнің қолына ұстатыпты», – дейді өзінің әңгімесінде О.Құрманғалиева.

Оразғайша апай Бағдат әпкесінің фотоальбомдағы бірнеше суреттерін көрсетіп, таныстыра отырып, әңгімесін жалғастырды. Сонау 1963 жылы Бауыржан Момышұлы Кубадан қайтып келе жатады. Аталмыш таяқты Куба елінің бас қолбасшысының орынбасары Рауль Кастро сыйға тартқан екен. Ал одан кейін Бауыржан Момышұлы таяқты «Ақжар» ансамблінің әртісі, 26 жасар Бағдат Рахметоваға қайта сыйлайды. Осылай бірнеше жыл сақтап келген жәдігерді 2010 жылы Бағдат әпкесінің Қостанай облысында тұратын ұлы Даулетке табыстағанын айтты. Өйткені әпкесіне «таяқты өзім ғана сақтаймын» деп уәде берген Оразғайша апай бұл отбасылық жәдігердің тек Бағдаттың балалары мен немерелеріне аманат болып қалатынын жеткізді. Өкінішке қарай, Кеңес Одағы Батырының таяғы Бағдат апайдың Қостанай қаласында тұратын ұлының қолында болып шықты. Бұл құнды жәдігер музей экспозициясынан өз орнын табады деп сенеміз.


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

«Қарағай» мен «Ақтерек» станциялары

«Қарағай» мен «Ақтерек» станциялары

Инфографика: минно-тральный корабль "Алатау"

Инфографика: минно-тральный корабль "Алатау"