Қазақстан армиясында жауынгерлік дайындық бойынша кешенді тактикалық-саптық сабақтар аясында басқару органдарымен бірлескен штабтық жаттығу өтті. Оның ерекшелігі – Бас штаб қолбасшылығымен байланысқа әскерлер бас қолбасшылары мен қолбасшылары далалық жағдайда ұйымдастырылған жылжымалы басқару пункттерінен шықты.
Мұндай жылжымалы пункттен бейнебайланыста Қорғаныс министрінің бірінші орынбасары – ҚР ҚК Бас штабының бастығы генерал-лейтенант Мұрат Майкеевпен және "Оңтүстік" өңірлік қолбасшылығы әскерлерінің қолбасшысы генерал-майор Марат Құсайынов жұмыс істеді.
"Оңтүстік" өңірлік қолбасшылығының жедел басқару жылжымалы басқару пунктін ұйымдастыру жергілікті жерде міндетті түрде бүркемелеу арқылы бөтен көзден жасырын өтеді. Дала жағдайында жылжымалы басқару пункттері байланыстың барлық түрлерімен, соның ішінде жерсеріктік, компьютерлермен, ұйымдастыру техникасымен және қолбасшылықтың толыққанды жұмысы үшін барлық қажеттіліктермен жабдықталуы тиіс.
Қысқы оқу кезеңінің басталуы әр түрлі дәрежедегі жауынгерлік әзірлікке келтіру бойынша әскерлердің іс-қимылдарын пысықтаумен ерекшеленеді. Өткізілген сабақтардың басты мақсаты – Қарулы Күштерді басқару жүйесін тексеру, әскерлердің жауынгерлік дайындығын және олардың белгіленген мерзімде міндеттерді орындау қабілетін пысықтау болып табылады.
