Алматыда Алматы өңірлік гарнизоны 85095 әскери бөлімінің әскери қызметшілері 18 шілдеде атыс барысында зардап шеккен құқық қорғау органдарының қызметкерлері үшін қан тапсырды.
«Қазіргі кезде қылмыскермен табанды түрде күрескен, өздерінің қызметтік міндеттерін орындау кезінде кәсіпқойлық және ерлік танытқан әріптестеріміздің өміріне дәрігерлер араша түсуде. Біз бей-жай қарап тұра алмадық», - деді 85095 әскери бөлімінің әскери қызметшісі майор Талғат Өзехан. 18 шілдеде Алматы қаласында Алмалы АІІБ полиция қызметкерлері мен ҰҚК департаментінің ғимаратына шабуыл жасалды. Атыс салдарынан полиция қызметкерлері мен бейбіт азаматтар арасында қаза болғандар, сондай-ақ, ауруханаға жатқызылған жараланғандар бар.
