48386 әскери бөлімнің 2016 қысқы оқу жылының жауынгерлік жоспарына сәйкес ақпан айынан бастап арнайы мақсаттағы тау дайындығы ротасымен Алматы облысы Текелі қаласының "Жоңғар - Алатау" аймағында тау дайындығы өткізілуде.
Мұндағы мақсат – жеке құрамның жауынгерлік деңгейін көтеру және үстіміздегі жылы Ресей Федерациясында болатын «Эльбрус шеңбері – 2016» халықаралық әскери тау жарысына даярлықты пысықтау.
Жаттығу барысында жеке құрам тауға арқанмен өрмелеу және түсу, сондай-ақ тау өзені, тік жарлар секілді кедергілерден аспалы жіппен өту және "СУЫҚ ТӨБЕ", "МҰЗТАУ" шыңдарын бағындыру тәсілдерін шыңдады.
Тау дайындығы сабақтарында келісімшарт бойынша әскери қызметшілер кіші сержанттар Асхат Оразбаев пен Жандос Серікбаевтар өздерін ерекше дайындықтарымен жақсы нәтиже көрсетті.
Капитан Аманжол РАХМЕТОВ,
48386 әскери бөлімі