24-ақпанда ҚР Қорғаныс министрінің нұсқауы бойынша «Айбалта – 2016» оқу-жаттығуы шеңберінде ҚР Қорғаныс министрлігі мен ҚР ҚК Бас штабының департаменттері және бас басқармалары дабыл бойынша көтерілді.
«Бүгінгі іс-шара стратегиялық деңгейдегі басқару органдарын даярлаудың құрамды бөлігі болып табылады. Сондықтан «Айбалта – 2016» оқу-жаттығуы аясында бізге әскерлерді басқару мәселелерін шынайы пысықтауға тура келеді. Қорғаныс министрлігі мен Бас штабы жеке құрамының далалық шығуын өткізу мерзімі кездейсоқ таңдалған жоқ. Орталық аппараттың жеке құрамымен баламалы сабақтарды жазғы оқыту кезеңінде де ұйымдастыру керек. Ең бастысы, басқару пункттерін өрістету ауданын әскери бөлімдердің орналасу пункттерінен тыс таңдау қажет», - деді ҚР Қорғаныс министрі Иманғали Тасмағамбетов. Әскери қызметшілерге арналған сабақтар екі күнге созылды.