АҚШ әскерилерінің тәжірибесімен танысты

АҚШ әскерилерінің тәжірибесімен танысты

ҚР Қарулы Күштері тәрбие құрылымдарының әскери қызметшілері АҚШ-тың әскери базаларында болып қайтты.

ҚР ҚК Бас штабы бастығының орынбасары – ҚР ҚК БШ Тәрбие және идеологиялық жұмыстар департаментінің бастығы генерал-майор Мұхамеджан Таласовтың басшылық етуімен делегация әскери қызметшілер мен олардың отбасы мүшелеріне қолдау көрсету орталықтарының қызметімен танысты, әскери қызметшілер арасындағы өзіне-өзі қол жұмсау көріністерін алдын алудың ұйымдастырылуы мен АҚШ ҚК-дегі капелландар корпусының тыныс-тіршілігін зерделеді. Қазақстандық армияда тәрбие жұмысын жетілдіру шеңберінде ҚР ҚК тәрбие құрылымдарының өкілдері әскери қызметшілер мен олардың отбасы мүшелеріне қолдау көрсету орталықтарының қызметін атап өтті.

АҚШ-тың ҚК-де мұндай орталықтар әрбір әскери гарнизонда құрылған. Орталықтар әскери қызметшілер мен олардың отбасы мүшелеріне қолдау көрсету жөнінде әлеуметтік бағдарламаларды әзірлеп, іске асырады, гарнизон аумағында бос уақытты өткізуді, әскери қызметшілердің жұбайларын жұмысқа орналастыруды ұйымдастырады, төмендетілген бағамен әртүрлі тұрмыстық қызметтер ұсынады, отбасылық-тұрмыстық қарым-қатынастарды зерделейді, моральдық-психологиялық, консультативтік және қаржылай көмек көрсетеді.  

Өзіне-өзі қол жұмсау көріністерін алдын алу жөніндегі АҚШ-тың ҚК қызметінде ҚР ҚК-нің делегациясы «жауынгерлік жұп» жүйесін атап өтті. Қатардағы жауынгер және кіші сержанттар құрамының барлық санаттағы әскери қызметшілері жұпқа бөлінген және әрқайсысы өзінің серіктесінің моральдық-психологиялық жай-күйін бақылап отырады.  

«Жауынгерлік қаруластар» атты мұндай ұқсас жүйе Қазақстанның Құрлық әскерлерінде іс жүзінде қолданылып жүр. АҚШ армиясында өзіне-өзі қол жұмсау проблемаларын шешу және әскери қызметшілерге идеологиялық тәрбие беруге әскери капелландар корпусы да үлес қосуда.   Бұл теологиялық, яғни, діни білімі бар офицерлер.  Олар діни ілім және патриоттық тәрбие беру, отбасылық құндылықтарды бағалау, суицидті алдын алумен айналысады.
Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

 Жаңа КАМАЗ жүк көліктері ұсынылды

Жаңа КАМАЗ жүк көліктері ұсынылды

Семь граней Великой степи

Семь граней Великой степи