ҚР ҚМ Қару-жарақты бақылау және инспекцияны қамтамасыз ету жөніндегі орталығының өкілдері Еуропадағы кәдімгі қарулы күштері туралы Шарттың қатысушы мемлекеттері қарулы күштерінің хабардар етілген құрылымы бойынша семинарға қатысты. Бұл семинар Брюссельдегі НАТО-ның штаб-пәтерінде өтті.
Кездесу барысында қазақстандық делегация 2016 жылға арналған деректі жаңартты, бірқатар екіжақты кездесулерді өткізді. ҚР Қарулы Күштерінің өкілдері «Verity» дерекқорымен жұмыс жасау туралы қажетті мәліметтерді алды. Дерекқордың өзі жеке құрамның, қару-жарақ пен техниканың санын, қатысушы мемлекеттер арасындағы жүргізілетін инспекциялар туралы есептерді қоса есептегенде, ЕКҚКШ шеңберінде ақпарат жүргізу үшін арналған. Бүгінгі таңда Еуропадағы кәдуілгі қарулы күштер туралы Шарттың қатысушылары Қазақстан, Ресей, Армения, Әзірбайжан, Белоруссия, Бельгия, Болгария, Ұлыбритания, Венгрия, Германия, Грекия, Грузия, Дания, Исландия, Испания, Италия, Люксембург, Молдавия, Нидерланды, Норвегия, Польша, Португалия, Румыния, Словакия, Түркия, Украина, Франция және Чехия, сондай-ақ АҚШ пен Канада болып табылатынын.айта кеткен жөн.