Ауған соғысы ардагерлері мен мүгедектерінің одағына қарасты «Ардагер» бірлестігінің төрағасы Талғат Хасеновтың ұйытқы болуымен өткен бұл шарада әскери қызметшілерге тарихи мағлұматтар тарата айтылды. Ауған соғысына қатысқан жауынгерлердің ерлігі сөз етілді.
Кеңес әскерлерінің Ауған жерінен шығарылғанына 27 жыл толуына орай Астана өңірлік қолбасшылығына қарасты Спасск оқу жаттығу орталығында «Ауған ақиқаты» атты танымдық кеш өткізілді.
Шынында да, ол азаматтар ел құрметіне лайық. Жасаған ерліктері жас ұрпаққа қашанда үлгі-өнеге. КСРО Қорғаныс министрлігі Бас штабының деректері бойынша 620 мыңға жуық жауынгер ауған соғысына тартылса, оның 22 мыңы қазақстандықтар болған екен.
Думан ҚҰРМАНҒАЛИЕВ